ਤਾਜਾ ਖਬਰਾਂ
Shiromani Akali Dal ਦੇ ਸੀਨੀਅਰ ਆਗੂ Bikram Singh Majithia ਨੇ Aam Aadmi Party ਦੇ ਵਿਧਾਇਕ Ashok Kumar Pappi ‘ਤੇ ਨੌਜਵਾਨਾਂ ਨੂੰ ਨੌਕਰੀਆਂ ਦਿਵਾਉਣ ਦੇ ਨਾਂ ‘ਤੇ ਕਰੋੜਾਂ ਰੁਪਏ ਇਕੱਠੇ ਕਰਨ ਦੇ ਗੰਭੀਰ ਦੋਸ਼ ਲਗਾਏ ਹਨ। ਮਜੀਠੀਆ ਦੇ ਨਾਲ ਪ੍ਰੈਸ ਕਾਨਫਰੰਸ ਦੌਰਾਨ ਖੁਦ ਨੂੰ ਵਿਧਾਇਕ ਦਾ ਸਾਬਕਾ ਪੀਏ ਦੱਸਣ ਵਾਲੇ Nikhil Sabbarwal ਨੇ ਵੀ MLA ਅਤੇ ਉਸਦੇ ਪਰਿਵਾਰ ‘ਤੇ ਧੋਖਾਧੜੀ ਅਤੇ ਪੈਸਿਆਂ ਦੀ ਹੇਰਾਫੇਰੀ ਦੇ ਇਲਜ਼ਾਮ ਲਗਾਏ।
ਮਜੀਠੀਆ ਨੇ ਦਾਅਵਾ ਕੀਤਾ ਕਿ ਨਿਖਿਲ ਦੇ ਬੈਂਕ ਖਾਤੇ ਰਾਹੀਂ ਨੌਕਰੀਆਂ ਲਈ ਲੱਖਾਂ-ਕਰੋੜਾਂ ਰੁਪਏ ਇਕੱਠੇ ਕੀਤੇ ਗਏ ਅਤੇ ਬਾਅਦ ਵਿੱਚ ਉਹੀ ਪੈਸਾ ਵਿਧਾਇਕ ਦੇ ਪਰਿਵਾਰਕ ਖਾਤਿਆਂ ਵਿੱਚ ਟਰਾਂਸਫਰ ਹੋਇਆ। ਉਨ੍ਹਾਂ ਮੁਤਾਬਕ ਚੋਣਾਂ ਦੌਰਾਨ ਵੀ ਲੱਖਾਂ ਰੁਪਏ ਦੇ ਲੈਣ-ਦੇਣ ਹੋਏ ਅਤੇ ਵਿਦੇਸ਼ ਤੋਂ ਵੀ ਵੱਡੀ ਰਕਮ ਭੇਜੀ ਗਈ।
ਉਧਰ ਨਿਖਿਲ ਸੱਭਰਵਾਲ ਨੇ ਦਾਅਵਾ ਕੀਤਾ ਕਿ ਡੀਸੀ ਰੇਟ ‘ਤੇ ਭਰਤੀ ਦੇ ਨਾਂ ‘ਤੇ 100 ਤੋਂ ਵੱਧ ਲੋਕਾਂ ਤੋਂ ਇੱਕ-ਇੱਕ ਲੱਖ ਰੁਪਏ ਇਕੱਠੇ ਕਰਕੇ MLA ਨੂੰ ਦਿੱਤੇ ਗਏ ਸਨ। ਪਰ ਭਰਤੀਆਂ ਨਾ ਹੋਣ ਕਾਰਨ ਲੋਕਾਂ ਦਾ ਦਬਾਅ ਉਸ ‘ਤੇ ਆ ਗਿਆ ਅਤੇ ਉਸਨੇ ਆਪਣੇ ਘਰ ਤੱਕ ਵੇਚ ਕੇ ਪੈਸੇ ਵਾਪਸ ਕਰਨੇ ਸ਼ੁਰੂ ਕਰ ਦਿੱਤੇ। ਉਸਦਾ ਦੋਸ਼ ਹੈ ਕਿ ਜਦੋਂ ਉਸਨੇ MLA ਦਾ ਨਾਮ ਲੈਣਾ ਚਾਹਿਆ ਤਾਂ ਉਸਨੂੰ ਧਮਕੀਆਂ ਦਿੱਤੀਆਂ ਗਈਆਂ ਅਤੇ ਬਾਅਦ ਵਿੱਚ ਉਸਦੇ ਖਿਲਾਫ ਮਾਮਲਾ ਦਰਜ ਕਰਵਾ ਦਿੱਤਾ ਗਿਆ।
ਮਜੀਠੀਆ ਨੇ ਕੁਝ ਤਸਵੀਰਾਂ ਅਤੇ ਦਸਤਾਵੇਜ਼ ਵਿਖਾ ਕੇ ਦਾਅਵਾ ਕੀਤਾ ਕਿ ਨਿਖਿਲ 2024 ਵਿੱਚ ਵਿਧਾਇਕ ਦਾ ਅਧਿਕਾਰਤ ਪੀਏ ਸੀ। ਉਨ੍ਹਾਂ ਨੇ ਮਾਮਲੇ ਦੀ ਜਾਂਚ ਲਈ Enforcement Directorate ਤੋਂ ਦਖਲ ਦੀ ਮੰਗ ਕੀਤੀ ਹੈ।
Get all latest content delivered to your email a few times a month.
